У групах падоўжанага дня 2-х класаў сярэдняй школы №31 у межах Тыдня беларускай мовы і літаратуры 8 снежня прайшой турнір “Знаўцы роднай мовы” пад дэвізам “Я і ты – мы беларусы”.  Удзельнікі  каманд “Сонейка” і “Вясёлка” выконвалі розныя заданні: вызначалі колькасць галосных гукаў і складоў, перакладалі словы на беларускую мову, дзялілі словы для пераносу і па складах, шукалі ў вялікіх словах “схаваныя” малыя,  састаўлялі народныя прыказкі  з дзвюх частак. Для капітанаў каманд было асабістае заданне ля дошкі. Час паміж конкурсамі быў запоўнены літаратурна-музычнымі паўзамі. Дзеці спявалі на роднай мове “Калыханку”, “Цік-так, ходзікі”, чыталі вершы беларускіх паэтаў, адгадвалі загадкі, гулялі у карагодную гульню “Каза”. Выхавацелі ГПД Цішкова Л.М. і Трусава Н.В., якія падрыхтавалі турнір, заклікалі  школьнікаў старанна вывучаць родную мову, часцей выкарыстоўваць яе ў паўсядзённым побыце. Да свята была прымеркавана выстава беларускіх промыслаў і лялек у нацыянальных касцюмах. На мерапрыемстве прысутнічалі намеснік дырэктара па вучэбнай рабоце Шпакава Л.М. і кіраўнік МА Жук В.М., якія выказалі шмат добрых слоў і пажаданняў дзецям і выхавацелям.