Авалоданне мовай, маўленнем – неабходная ўмова фарміравання сацыяльна актыўнай асобы. Умець граматна гаварыць,выкладаць уласныя думкі ў вуснай і пісьмовай формах, развіваць уменне мець зносіны неабходна кожнаму чалавеку. Кожнае дзіця па-свойму здольнае, патрэбна толькі падтрымліваць яго і дапамагаць раскрыць яго таленты.
5 снежня ў нашай пачатковай школе стартаваў першы этап рэспубліканскай алімпіяды па вучэбных прадметах. Нездарма адкрылі свята ведаў беларуская мова і літаратура. Праблема развіцця беларускамоўнай асобы вельмі актуальная для нашай краіны. Нягледзячы на тое, што ва ўстановах агульнай сярэдняй адукацыі вывучаюцца абедзве дзяржаўныя мовы, ступень валодання імі ў навучэнцаў істотна адрозніваецца. Безумоўна, гэта звязана са слаба выражаным беларускамоўным асяроддзем, і школа павінна адказаць на пытанні, выкліканыя такой сітуацыяй: у якой ступені дзеці павінны авалодаць беларускай мовай за час навучання ў школе? Як навучыць іх аднолькава добра карыстацца дзвюма блізкароднаснымі мовамі?
Алімпіяды як форма пазакласнай работы па беларускай мове даюць магчымасць не толькі зацікавіць вучняў вывучэннем роднай мовы, але і паглыбіць свае веды ва ўсіх раздзелах школьнай праграмы. Адна з мэт, якую ставілі настаўнікі пры распрацоўцы заданняў - авалоданне функцыянальнымі сродкамі беларускай мовы для іх эфектыўнага выкарыстання ў розных сітуацыях моўныз зносін. Нашы педагогі перакананы, што вельмі важна, каб час моўных адкрыццяў быў напоўнены радаснымі эмоцыямі, жаданнем авалодаць нацыянальным скарбам народа – яго мовай.
Самыя добрыя словы ўдзячнасці і падтрымкі прагучалі для ўсіх удзельнікаў алімпіяды незалежна ад вынікаў.Віншуем з пабедай лепшых:
1
|
Баранава Алёна
|
4 “Д”
|
Дыплом І ступені
|
Настаўнік: Забелава
Алена Іванаўна
|
2
|
Ульянава Анастасія
|
4 “Г”
|
Дыплом ІІ ступені
|
Настаўнік: Караткевіч
Ірына Ігараўна
|
3
|
Кухарава Марыя
|
4 “Г”
|
Дыплом ІІ ступені
|
Настаўнік: Караткевіч
Ірына Ігараўна
|
4
|
Марчанка Паліна
|
4 “Б”
|
Дыплом ІІІ ступені
|
Настаўнік: Харланава
Алена Уладзіміраўна
|
5
|
Клепча Аляксандра
|
4 “А”
|
Дыплом ІІІ ступені
|
Настаўнік: Валько
Марына Віктараўна
|
Жадаем поспехаў ! Старшыня журы: Буевіч Ю.У. |