У межах дня беларускага маўлення 19 кастрычнiка ў групе падоўжанага дня 1-х класаў было праведзена свята «У гасцях у восенi».
     Праз гульнi, карагоды, загадкi i песнi дзецi знаёмiлiся з беларускiмi звычаямi i абрадамi.
Айчына, Радзiма, Беларусь… Гэтыя паняццi ўваходзяць у наша жыццё з самага дзяцiнства разам з добрай усмешкай матулi, з ласкавай цеплынёй сонечнага праменьчыка, з надзейнымi сябрамi, з той прыгажосцю, якая сустракае нас за парогам бацькоўскага дома. Колькi цiкавага можна сутрэць на працягу дня восенню. Праз непаўторныя асаблiвасцi, прыкметы, звычкi можна здагадацца, пра каго iдзе гутарка ў загадках, якiя гучалi на свяце.
     Мноства разных звяркоў, птушанят, насякомых таксама патрабуе да сябе нашай увагi, клопату i любовi.
Выразна i ўдумлiва гучалi вершы на роднай мове, для гэтага першакласнiкам шмат трэба было папрацаваць.
На працягу ўсяго свята ў зале панаваў вясёлы, бадзёры настрой.
     Бацькi вучняў i госцi, якiя прысутнiчалi на свяце, былi задаволены творчымi здольнасцямi дзяцей.

Выхавацелі ГПД 1-х класаў: Атрохава Н. М., Таірава Л. У., Іофе І. Л.