Кожны прадмет, які вывучаецца ў пачатковай школе, уплывае на працэсы станаўлення духоўнага свету дзіцяці, фарміравання яго каштоўнасных арыентацый. Аднак для ўдасканалення маральнага выхавання малодшых школьнікаў, забеспячэння неабходных умоў для развіцціх прыродных задаткаў, сацыяльнай і культурнай самарэалізацыі, фарміравання сістэмы паважлівых адносін да сябе, Радзімы, прыроды, мастацтва мэтазгодна выкарыстоўваць разнастайныя формы работы, якія дапамогуць актывізаваць пазнавальныя магчымасці вучняў.

Так, з 19 па 24 лютага ў нашай школе пройдзе Тыдзень роднай мовы. Яго асноўнымі задачамі з’яўляюцца: далучэнне дзяцей да культурнай спадчыны свайго народа ; выхаванне беражлівых адносін да нацыянальнай моўнай культуры, любові да роднай мовы; выхаванне любові і павагі да сваей Радзімы; усведамленне вучнямі сваёй адказнасці за лёс Айчыны.

Кожны дзень на гэтым тыдні ў кожным класе пройдуць розныя цікавыя мерапрыемствы, будуць рэалізаваны дзіцячыя творчыя праекты. Вельмі карысна будзе і бацькам далучыцца да гэтай падзеі. Прапанаваныя матэрыялы акажуць ім добрую паслугу ў  выхаванні сваіх дзяцей. З дапамогай разнастайных заданняў, апавяданняў і вершаў, займальнага матэрыялу, гульняў, віктарын яны змогуць садзейнічаць фарміраванню і развіццю звязнай мовы дзіцяці.

Запрашаем усіх жадаючых прыняць удзел у Тыдні роднай мовы!

Кіраўнік МА настаўнікаў пачатковых класаў і выхавальнікаў ГПД Буевіч Ю.У.