Сцяжынкамі роднага краю
Між лясамі і азерамі –
Васільковыя палі…
Я не ведаю, не ведаю
Прыгажэйшае зямлі!
Беларускія краявіды… Перазвоны азер і бароў, залатыя палі збажыны з сінімі вочкамі васількоў, светлыя ад бяроз гаі, птушыны звон і пушчы, падобныя на хмары. Гэта наша зямля дарагая, гэта наш родны кут. Колькі тут хараства, таямнічасці, чароўнасці.
Каб ўсе гэта зведаць вучні 2 “Г” класа адправіліся ў падарожжа па родным краі. Завіталі ў лес, дзе красуецца беластволая бяроза і векавы дуб, пахне медам ліпа. Сустрэліся з шэрым ваўком, магутным зубрам і хітрай лісой. Пачулі спевы птушак. Затым па вузенькай сцежцы трапілі на луг, назбіралі кветак і атрымаліся прыгожыя букеты.
На працягу падарожжа гучалі вершы, вучні адгадвалі загадкі, вызначалі з якога дрэва лісток, састаўлялі сказы пра кветкі. І з мэтай беражлівых адносін да прыроды выпрацавалі правілы паводзін у лесе і каля вадаемаў.
З падарожжа вучні вярнуліся з ведамі аб родным краі і з добрым настроем. Худалей Г.М., біліятэкар
|