2017-й год азнаменаваны 135-гадовым юбілеем вялікіх песняроў беларускага народа, класікаў нацыянальнай літаратуры Янкі Купалы і Якуба Коласа.
12 кастрычніка ў актавай зале школы адбылося мерапрыемства, прысвечанае гэтай падзее. Классныя кіраўнікі Слабко С. Л., Базылева Г. У., Капшыцкая Н. А., Забелава А. І., Плятнёва В. А. падрыхтавалі для вучняў 2-х і 3 «Д» класаў вусны часопіс «Песняры беларускай зямлі».
Дзеці не толькі слухалі, але і былі актыўнымі ўдзельнікамі мерапрыемства: чыталі вершы, разгадвалі рэбусы, крыжаванкі.
Творчасць Янкі Купалы і Якуба Коласа – гэта тыя вежы, з якіх мы, беларусы, бачым цэлы свет, і па якіх свет бачыць нас.
«Янка Купала – гэта першая з вяршынь беларускага Эльбруса паэзіі. Магутная яна, і чыстая, і высокая. Высокая, бо матывамі сваімі праўдзівая. Чыстая, бо мілагучная і майстэрская, а магутная, бо заўсёды была яна з народам» - так гаварыў Паўло Тычына. Іван Мележ гаварыў пра Я. Коласа: «Паэт, празаік, драматург, вучоны, публіцыст – няма, здаецца, у беларускай літаратуры такога жанру, няма ў яе гісторыі такой старонкі, дзе б не ззяла слаўнае імя Якуба Коласа, не праявілася б якая-небудзь грань яго шчодрага таленту».
Атмасфера мерапрыемства была вельмі цёплая, а ўражанні засталіся незабыўныя.
|