5 красавіка вучні трэціх класаў адправіліся ў падарожжа па нашай роднай зямлі, каб пабачыць яе хараство, пазнаёміцца з некаторымі старонкамі гісторыі. Усё гэта адбылося ў межах завочнай экскурсіі "Падарожжа па Беларусі", якую падрыхтавалі для сваіх вучняў настаўнікі 3 "А", 3 "Б", 3 "В" і 3 "Г" класаў. Дзеці пачулі шмат цікавага аб нашым беларускім краі, яго знакамітых жыхарах, аб адданасці бацькоўскай зямлі. Яны вучыліся бачыць прыгажосць роднага куточка, слухаць пявучую беларускую мову. На мерапрыемстве гучалі напоўненыя цеплынёй і пяшчотай вершы беларускіх паэтаў, якія дэкламавалі і падрыхтаваныя вучні, і настаўнікі. Таксама дзеці падрыхтавалі пазнавальны матэрыял пра невялікія, але вельмі значныя беларускія гарады: Салігорск, Наваполацк, Жодзіна, Светлагорск. Праз цікавыя конкурсы "Пазнай горад", "Працягні прыказку", "Падумай і адкажы" вучні паказалі сваю эрудыцыю і добрыя веды гісторыі і традыцый нашай краіны. Напрыканцы мерапрыемства дзеці паглядзелі відыёролікі пра знакамітыя мясціны Беларусі.
|