11 красавіка ў межах урока літаратурнага чытання ў 2 “Г” класе адбыўся міні-дыспут “Ці згодны вы, што…”

У адпаведнасці з узростам і ўзроўнем падрыхтаванасці, вучням былі прапанаваны праблемныя пытанні, якія падштурхнулі дзяцей да актыўных разважанняў і абмену думкамі:

Ці згодны вы з тым, што кнігі трэба чытаць кожны дзень? Чаму?
Ці згодны вы з тым, што кнігі чытаць неабавязкова?
Ці згодны вы з тым, што тэлевізар, камп’ютар і смартфон могуць замяніць кнігу?
Ці згодны вы з тым, што кнігі могуць даць мудрыя парады ў жыцці?
Вучні выказвалі і абгрунтоўвалі свае меркаванні. Узнікалі і спрэчныя моманты. Узрадавала тое, што большасць нашых дзяцей пераканана:чытанне мастацкай літаратуры застаецца важным, патрэбным і актуальным ва ўсе часы.

                                                    Настаўнік пачатковых класаў Буевіч Ю.У.