А мы масленіцу дажыдалі,
У акенца паглядалі,
Гару сырам набівалі,
Зверху маслам палівалі.
Надакучыла зіма,
Цёплыя валёнкі,
Хочацца ўжо цяпла,
Песень птушак звонкіх.

23 лютага  ў 4 “В” класе  было праведзена пазакласнае мерапрыемства “Масленічныя  забавы”. У ходзе мерапрымства дзеці працягвалі знаёміцца з беларускім святам, абрадамі Масленіцы. Вучні даведаліся, адкуль пайшла назва свята, пра сімвал веснавога сонца – блін, пра Масленічны тыдзень, пра абрад зімовага цыклу “Масленічныя калядкі”. Дзеці прымалі ўдзел у Масленічных забавах.   У гульні “Асілак” хлопцы памералі сваю сілу, усе дзеці потым разгадвалі загадкі. Дзяўчаткі паказалі сваё майстэрства гаспадынь у гульні “Пастаў гаршок у печ”. Вельмі спадабалася вучням таксама гульня “Пінгвін”.  А на прыканцы мерапрыемства дзяўчаткі парадавалі ўсіх прысутных беларускім народным танцам “Весялуха”.