Апошнія дзянькі снежня набліжаюць нас да казачнага і любімага свята кожнай сям’і - Новага года і Раства Хрыстова. Гэты час напоўнены прыўзнятым настроем, дзіўнымі мелодыямі, прыемнымі ўсмешкамі, вясёлым карагодам чалавечых пачуццяў.
У розных краінах свету Новы год сустракаюць па-рознаму, але паўсюль у гэтага свята ёсць агульныя рысы: надзея на лепшае і вера ў цуд. Менавіта пра традыцыі святкавання Новага года ў іншых краінах распавядалі вучням 3-х класаў настаўнікі Грабеннікава В. В., Жук В. М. Кустава Н.А., Трыгубава М.Н. падчас мерапрыемства, прымеркаванага да Новага года.
Вучні даведаліся, што на Русі свята адзначалі 1 мая і звязвалі яго з адраджэннем плодных сіл зямлі. У Германіі ў ноч на 31 снежня складаюць празноз надвор’я па цыбулінках з соллю, а ў Швецыі лічыцца, што свята прыйдзе ў той дом, дзе ля дзвярэй больш разбітага посуду. Італьянцы гучна спяваюць песні і лічуць, што свята трэба сустракаць з адкрытым сэрцам, а значыць, пазбаўляцца ад непатрэбных рэчаў. Кубінцы апоўначы ядуць вінаград, венгры- парасё, датчане - вараны рыс з міндалінкай.
Адным словам, дзіва, ды і толькі!!!
|