З мэтай далучэння малодшых школьнікаў да вывучэння беларускай мовы, 18 сакавіка 2021 года ў групах падоўжанага дня 1-х класаў выхавацелі Іоффе І.Л. і Трусава Н.В. правялі пазнавальную гульню “Пералётныя птушкі”, накіраваную на выхаванне беражлівых адносін да жывёльнага свету краіны.

      Каб выканаць усе заданні, вучням разам  з ведамі спатрэбіліся кемлівасць і вынаходлівасць. Яны тлумачылі, чаму птушкі дзеляцца на пералётных і зімуючых, называлі птушак кожнай групы, разгадвалі загадкі, складалі невялікае апавяданне пра выбраную  пералётную птушку, прынялі ўдзел у рухомых гульнях “Птушкі, гнёзды, птушаняты”, “Пералётныя і зімуючыя”. Напрыканцы ўсе вучні зрабілі з паперы бусла – сімвал Беларусі.

      У выніку мерапрыемства першакласнікі не толькі пашырылі свае веды пра  пералётных птушак, папрактыкаваліся ў пабудове звязных выказванняў на беларускай мове, але і атрымалі добры настрой і станоўчыя эмоцыі.