Каб мацней любіць сваю Радзіму, трэба аб ёй ведаць як мага больш. У гэтым нам дапамагаюць кнігі, фільмы, экскурсіі. 8 кастрычніка настаўнткі 1-х класаў правялі для вучняў падарожжа “Падарункі Восені”.
Вучні вандравалі па прыпынках: “Сад”, “Агарод”, “Лес”, “Загадкі”, “Гульні”. Яны пазнаёміліся з сабраным збожжам, садавінай і агароднінай, адгадвалі загадкі на роднай мове, спявалі песні, вадзілі карагоды і з задавальненнем удзельнiчалi ў вясёлых гульнях. А якое ж свята без падарункаў? Прыгажуня Восень адарыла кожнага смачнымі і сакавітымі яблыкамі.
Настаўніца пачатковых класаў Плятнёва В. А.
|